ضى القمر (alizai moon)

عزيزى الزائريسعدنا ويشرفنا التشرف بك فى منتدانا فنرجو منك التسجيل او الدخول

كما نشكرك لختيارك منتدى ضى القمركما نرجو لك ان تقضى معنا وقت ممتع

مع خالص الشكر والترحيب من اسرة المنتدى

منوعات(اخبار الفن والفنانون, ثقافة, اسلاميات, حب, أغانى, أفلام, مسلسلات, ألعاب, الموضةوالأناقة للرجال والنساء, ظرائف وطرائف, قصائدوأشعار)

الا بذكر الله تطمئن القلوب &ابدا يوميك بحمد وشكر الله &لا تؤجل عمل اليوم الى الغد &اذكر الله بقولك :-لا اله الا الله محمد رسول الله&حاسب نفسك قبل النوم&لا تؤجل صلاتك&استغفر ربك فى كل وقت

المواضيع الأخيرة

» كول تون لأبتهالات شيخ المداحين ( النقشبندي) 2015
الثلاثاء سبتمبر 02, 2014 4:18 pm من طرف ahmed zoghaby

» ديوان رصاصة فى قلب الجياد العجوزة
الثلاثاء مارس 18, 2014 1:42 am من طرف محمود العياط

»  قصيدة عذابات فى جدار الليالى محمود العياط
الثلاثاء نوفمبر 26, 2013 1:39 am من طرف محمود العياط

»  ديوان اعشقك جدا --للشاعر محمود العياط
الجمعة أكتوبر 25, 2013 8:46 pm من طرف محمود العياط

» كيكة على شكل كورة
الثلاثاء سبتمبر 29, 2009 1:17 am من طرف بسبس

» تورتة الفواكهة
الثلاثاء سبتمبر 29, 2009 1:11 am من طرف بسبس

» كيفيه عمل الكيك الاسفنج بالصور
الثلاثاء سبتمبر 29, 2009 1:09 am من طرف بسبس

» طريقه عمل بلح الشـــــام
الثلاثاء سبتمبر 29, 2009 1:03 am من طرف بسبس

» طريقه عمل البيتزا بانواعها المختلفه ( لمحبي البيتزا)
الثلاثاء سبتمبر 29, 2009 12:59 am من طرف بسبس

التبادل الاعلاني

google

form action="http://www.pubarab.com" id="cse-search-box">

    حمــــــاتى...

    شاطر
    avatar
    بسبس

    عدد المساهمات : 157
    السٌّمعَة : 0
    تاريخ التسجيل : 06/07/2009
    العمر : 26

    حمــــــاتى...

    مُساهمة  بسبس في الإثنين سبتمبر 28, 2009 7:53 pm




    تبقى قاعد في امان الله مع مراتك
    وقاعدين تهرجوا تقولها بحبك يا توته وتقولك وانا .....
    وفجأه يدق الباب
    هو : خير الله اما يجعله خير من اللي جاي لنا الساعه ديه
    هي: مش عارفه قوم افتح يا حبيبي
    هو : ربنا يستر
    ويروح يفتح الباب وللاسف ربنا ما استجبش لدعوته يلاقي في وشه حماته
    هو: ( في سره اعوذ بالله من الشيطان الرجيم ) حماتي
    حماته : ايوه امال عفريتها جاي يطل عليك ايه كل ده علشان تفتحوا الباب انت وقعت على ودنك ولا ايه
    هو: في سره( يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه افتكرها يا كريم )
    حماته : سرحان في ايه بقى يا راجل يا ناقص اكلمك في التليفون واقولك تعالى بتخانق مع المعلم عكوة الجزار تقوم متجييش
    هو : طب ما انا افتكرت ان ولادك اكيد هناك يا حماتي
    حماته : ليه هو انا مستغنيه عنهم
    هو : يعنى ايه مستغنيه عنى انا
    وبعدين ده راجل مفترى اخر مرة كان اتخانق مع جاركو اسماعيل الله يرحمه وفضل معلقه في المحل تلات ايام
    حماته : انت لو اتهببت مت هالاقي بدالك ميت عريس لبنتي اللي اتعمت لما خدتك .
    هو : كتر خيرك يا حماتي ( في سره يارب مش عايز غير الدعوه ديه وبس خدها خليها تبلع لسانها اكيد هتتسم )
    حماته: بنتي حبيبتي معلش نسيت اسلم عليكي اما لاقيت الموكوس في وشي
    هي : نورتي يا ماما يا حبيبتي عامله ايه؟
    حماته : كويسه بس الراجل اللي اتعميتي واتجوزتيه رفعلي الضغط
    هو : معلش يا حماتي معلش
    حماته : وبعدين ايه اللي انت لابسه ده شورت وفانله امال فين الكاب انت فاكر نفسك شغال في سيرك ولا كنت بتسليها وبتعملها فقرة المشي على الحبل طب هو انا غريبه اعملنا عجين الفلاحه ادخل غير واتحشم ، وبعدين جيب لي حاجه اشربها يا عديم الذوق يالا .
    هو يدخل المطبخ ويعملها شاي ويبص لعلبة سم الفيران ويقول اخلص منها واخلص نفسي بعدين يرجع ويقول حرام هاروح من ربنا فين
    يرد على نفسه ويقول اكيد ربنا هيسامحني لأ لأ اعوذ بالله من الشيطان بلاش ) ويخرج
    حماته : كل ده علشان كوباية شاي موكوس ومدهول يا حظك يا بنتي وتدوق الشاي ايه ده الشاي طعمه زفت ادخل اعملي واحده عدل يلا
    هو : من عنيا يا حماتي (وهو يبتسم مش خسارة فيها العلبه كلها )
    ويدخل المطبخ ويمسك السم بعد كده يرجع في كلامه ويرجع الاوضه تاني
    حماته : وريني ضبطته ولا حتى في ديه مش عارف
    هو : ضبطته يا حماتي بس انتي مقولتليش انتي جايه ليه
    حماته : الله بيت بنتي اجيه وقت ما انا عايزه حكم
    هو : طبعا يا حماتي تنوري بس متهيألي فيه سبب
    حماته : عرفت ان بنتي حامل قلت اجي اقعد معاها لغاية ماربنا ينتعها بالسلامه
    هي : بجد يا ماما
    حماته : اه يا حبيبة ماما هاقعد معاكي وهانام انا وانتي في اوضه واحده فاهمه
    هو : يا نهار اسود ديه لسه في الشهر الاول يا حماتي
    حماته : وكمان بتسود النهار انا قلتها كلمه ربنا يسامحه ابوها اقوله نناسب ده يرد عليا ويقولي معلش ماهي خلقه ربنا
    هو: يبص لنفسه في المرايا يعنى ايه انتي مجوزاها لقرد
    حماته : اسخم على الاقل القرد كان هيقعد يتنططلها يسليها مش زيك
    هو: بقه ديه اخرتها يا حماتي عايزاني اقعد اتنطط لها
    حماته : وفيها ايه مش مراتك حبيبتك لو انت معملتهاش قرد مين اللي هيعمل لها
    هو: في سره حسبي الله ونعم الوكيل فيكي يا انثى العنكبوت
    حماته : وبعدين في موضوع مهم عايزه اكلمك فيه
    هو : خير
    حماته : انت عارف طبعا انها حامل
    هو : ايوه
    حماته : وطبعا ابنك او بنتك هتحبهم
    هو: طبعا
    حماته:وعارف انها اكيد هتتوحم يبقى لغاية ما الوحم يخلص ماشوفك قدامي
    هو: ليه يعني
    حماته : حرام عليك الواد ولا البنت يطلعوا شبهك ده لو حصل افطسهم ارحملهم
    هو: حرام عليكي امال اروح فين
    حماته : انت طالما هتقعد معانا يبقى تتلثم تخبي وشك العكر
    هو: اتلثم يا شيخه حرام عليكي
    حماته : حرام عليك انت ولادك
    بصراحه انا جالي في المنام المرحوم ابوكي وكان لابس شورت ابيض وفانله حمالات مقطعه معفن عادي متغيرش المهم قالي خلي بالك من اللي في بطن
    بنتك اوعي بوز الاخص جوزها يكرف عليهم وصيتك اللي في بطنها وفجأة طلع يجري والناس وراه بتقول حرامييي
    هو: جالك لابس شورت ابيض وفانله مقطعه حتى جهنم رايح يشحت فيها
    حماته : اخرص هي وصيه وهانفذها ودي وشك الناحية التانيه يا اخي
    هو: في سره هي ايه محسساني انها بتكلم قرد هي مابتشوفش نفسها في المرايه
    لما امها كانت تحب تخوفها كانت تخليها تبص في المرايا وتقولها العوا اهه
    حماته : وانتي يا بنتي ولا تكلميه ولا تردي عليه زيه زي اي كرسي في الشقه فاهمة
    هي: بس يا ماما
    حماته : مفيش بس
    هو : في سره كده يا حماتي طب اصبري عليا هاخليكي تموتي موته محدش ماتها قبل كده اخليكي تموتي بفضيحه
    ان ما كهربتلك قاعدة الحمام يا انثى العنكبوت .




    ------------------------------------------------------------------------------

    توقيع
    =====






      الوقت/التاريخ الآن هو السبت نوفمبر 18, 2017 7:41 am